Hmar Artists’ Association Gen. HQ in a lo rêl ta angin thlathar August date 12/08/2017 (2nd Saturday) khin HAA Imphal Jt.hqtrs. le Tuiṭhaphai HAA Unit tin hai le inkawp in, Hmar Artists’ Meet 2017 chu Rengkai Community Hall-ah puithu taka hmang dingin an puocha mêk.
Programme hi Sûn le Zan hai a hmang ning a tih, Sûn programme a hin Choir Competition Unit tin le Joint HQ a inthawkin nei ning a ta, HAA Hlapui Pu James Songrolal-in mawitaka a phuok chu inruolsiekna hla ding ning a tih. Lawmman pakhatna a inthawk pathumna chen siem ni bawk a tih.
Unit tin member present zât inchik ning a ta, member present rawntak chu extra in lawmman pêk belsa ni bawk an tih. Programme hmang ani sûnga mipui harsatna mi sâwk zângkhaitu dingin HAA Gen. Hq chun khawtinah Bus Pahni tir bawk a tih. Sûn Programme hmangzo zantieng hin bak le dâwn ruoi buotsai ni bawk a tih. Zan programme a hin Prize distribution cum HAA Music Nite um nghal bawk a tih.
HAA chun thu le hla hmanga, talent ṭha tak tak nei hai pholang le ei hnam châwisâng chu a thil in hâwk pa tak ani leiin hieng ang hunṭha nei thei dinga a um hi a lawm takzet. Mitin, Nu le pa, Kohran le Ṭhuoitu tinin HAA hmalakna hi thlawp seng dingin a ngenin a fiel takzet.
Nangni keini in tina lungril put lova ei hnam châwisângna dinga HAA in hma a lâkna a hin ei theina zawn chitah lungruoltakin hma la tlâng pei ei tîu ti chu HAA in a thar a thar in a fielin a ngen nawn nâwk.
Sd/-
Jonathan L. Joute
Media&Publicity, HAA Gen.Hq
COMMENTS