Fox Journal | CCPur: Hungtlung ding August thl a SSC CGL Exam 2017 ziekna ding le inzawma HSA CCPur JHQ le GHQ thangkawp a buotsai Free Coaching nei mêka um chu hungtlung ding tarik 29 July, 2017 (Inrinni) khin suktawp ni tang a tih.
Hi coaching nei sung hin Inrinni zat Mock Test nei hlak a nih a, chu le inzawm pei chun a tawp ni ding - hungtlung ding Inrinni khin Coaching buotsaituhai in remruot in, Hmar tawng hmang SSC CGL August thlaa exam ziek ding hai chu Inrinni khin Mega Mock Test - a thang nuom taphawt haiin exam an pek ve thei ding thu chanchin ei dawng.
Coaching a thang si ko, Exam pe ve nuom reng reng hai chun Inrinni hma khin Vivian's Collection, Rengkai Road ah Cheng sawm leh inzieklut thei a nih. Exam hun ding hi July 29, 2017 Inrinni, zingkar dar 7, HSA Campus, Rengkai Road ah nei ning a tih.
Hi Mega Mock Test a hin a thiem tak pathum hai ta dingin lawmman India pawisa 500, 300, 200 siem a ni bawk a nih.
Thu hrechieng lo haiin a hnuoia mobile number hai hi contact a indawn thei ning a tih.
Contacts for details:
8415839390 (Secy. Education HSA CCPur JHQ)
8413026697 (General Secy. HSA CCPur JHQ)
COMMENTS