Fox Journal | NC Hills: Vawisun Tarik 14.07.2017 (Zirtawpni) khan HSA Harangajao Block chun P. Hnachangzawl ah hmasawnna le inhrilhrietna le insuk hmasawn nawk zuol na beisei le nagaituona in "One Day Education Awareness" hunser an huoihawt. Block thuoitu fekhawm po hai mi sawm an nih a. Hi ti lo a khawm hin USA Return Tv. Livingstone Khawbung khawm hi hunser hmangna a hin a thang ve a nih. Program hi sun dar 12:00 in țan a nih a, zantieng dar 3:00pm chen hmang a nih.
Hi hunser hmang huna hin Resource Person in Tv. Samuel Khawbung le Nk. Robony Khawbung hai hmang an nih a, tlawmngai takin hnam ngaituo na leiin a tlawn in an thaw pek niin chanchin ei dawngna chun a hril.
Topic hai:
1. Importance Of Basic Education
2. Health and Sanitation
3. Social and Religious
4. Role of Parents in Education
Conductor Tv. Lalbiekung in hun hawng țawngțaina a hmang zo in Secretary in inhmelhriettuona hun hmangin Resource person haiin hun an lak zawm nghál a nih.
Atawp tieng pang taka President Tv. Laldamlien Hrangchal in lawmthu a hril zo a, hun khar țawngțaina Upa Lalfellien (Fela) in a hmang zo in hun suk tawp a nih.
Hi program a hin IPF tienga țhuoitu Pu Lalringum khawm a hung țhang ve a, mi fekhawm po hi Sawmnga (50) bawr vel a ni a, a fekhawm hai hin an hlawkpui hle thu ei chanchin lakna chun a hrilsa.
COMMENTS