Fox Journal | CCPur: HSA CCPur JHQ le GHQ thuoituhai chun CCPur sung a Hmar tawng hmang Officer thar hai lawmpuina hun an sunzawm a, zanikhan mi pathum lawmpuina hun an hmang nawk.
Lawmpuina an nei pui hai hi Prof. Laldena, Vice-Chancellor, Sangai International University, Pi Lalrawngbawl, Jr. MCS, District Info. Officer, CCPur le Pu Zosanglur Joute, MCS, SDO, Sangaikot hai an nih. Lawmpuina nei hai laia Pu Laldena le Pu Zosanglur haiin an lawmthu an hrilna ah, hnam sunga pawl um hai laia HSA hai chu hieng ang lawmpuina thawtu um sun an ni thu hrilin an lawm hle thu an lo hril a. Lawmpuina pek a um hai hi Rev. Benjamin Shakum, Sr. Consultant, HSA SCC Manipur in tawngtaipekna a nei pei bawk a nih.
Chun, zani zingkar khan HSA thuoituhai le Pu Lalramsang Infimate, Addl. DC, PD/DRDA, CCPur hai thangkawpin, Saikawt govt. High School inspection thaw a nih a, school building, administration le a pawimaw hai enfelna nei a nih.
Hi huna hin school tieng a thuneitu haiin school teacher utilise a tam tak um an nina le inzawm a permanent teacher an pawimaw thu, school building chim thei zing a hluo ngam lo a um dam an harsatna hai HSA le Pu Lalramsang Infimate kuomah an lo intlun a. Pu Lalramsang Infimate chun a thaw thei chen a thang a hung lak ve ding thu le HSA hai khawm a nasataka an hung thaw ding thu hai a hril ve.
School hotuhaiin inspection thawtu Addl. DC le HSA hai hi an lo lawm hle a, thingpui, theitu le bei hai lo siem in hmatieng hmalak pei dan ding hriltlang a nih a, Pathien kuoma tawngtaina nei zo a niin inthedar a nih.
COMMENTS