Fox Journal | CCPur: Zani laia Hmar khuo Parvachawm a thiltlung le inzawmin HSA SCC Manipur chun vawituk khan Emergency meeting neiin hmalak dan ding dang dang hriltlangin le, Press Release a hnuoia ang hin an siem.
PRESS RELEASE
25/7/2017, Churachandpur
Liemtah July 23, 2017 a Parvachawm Government High School a inchuklai haiin an school zirtirtuhai an kai ngai naw leia lungawi lova Parvachawm School khar a nuorna an nei hi HSA SCC Manipur chun a hrietpui a, hieng ang thil Hmarram-a a tlung hi pawi a tiin mawphurtu hai a dem hle thu mipui hrietin a puong.
Hi le inzawm hin HSA SCC Manipur chun tarik 25 July, 2017 zingkar in Emergency Meeting a ko a, Hmarram sung a sawrkar school hai mumal lo taka a um mek hi ngaituo in, thuneitu le mawphurna cheltu hai ang rang thei anga inhmupui a hi harsatna chingfel dinga thang la dingin thu a sukthluk.
Hmarram sung a sawrkar inchuknain hai țha taka hring le um dingin HSA chun a dit hle a, a tul le a pawimaw ang ang thaw dingin HSA chun hma a lak ding a nih a, hi thil le inzawm hin mipui le pawl dang dang hai khawma HSA hmalakna inza a lo thlawp seng dingin ngenna le inhriettirna a siem sa.
Sd/-
Lal Robul Pudaite
Coordinator
Sd/-
Malsawmthang Ralsun
Secretary
COMMENTS