Fox Journal | CCPur: Manipur University Students Union (MUSU) hai thil ngen Vice- Chancellor in a la sukpuitling naw leiin zani ta inthawk khan MUSU chun Manipur University A- Block an khar tan. June 27 khan MUSU thil ngen a uksak naw leiin VC office khawm an lo khar ta bawk a nih.
Chanchinbumihai hai kuomah MUSU Social & Cultural Secretary N. Naresh chun MU a inchuklai haiin regular registrar, examination controller le librarian hai appointment a sie ding a an ngen a ni thu a hril. University inruol taka an thang theina ding chun regular official nei makmaw a tul thu a hrilsa.
A hril zawm pei na ah, MU VC chu sun dar 12 hmain a hung kai ngai naw a, hi baka hin thla khata hin vawi li vawi nga lai a suokdawk hlak bawk ni'n a hrilsa a. Hi le inzawm hin liemta June 13 khan memorandum khawm pek a lo ni tah a, amiruokchu, VC a inthawk dawnna ditum iengkhawm hriet a la um naw thu Naresh chun a hril.
MUSU chun campus sunga Assam Rifles camp um hai khawm University boruok nasataka an sukbuoi leia sawndawk dinga an ngenna khawm chu VC chun a uksak rak naw thu a hril bawk a. A-Block khar a um chu an thil ngen hai sukpuitling a ni hma chu hawng a ni naw ding thu a hrilsa. (Picture: MU gate)
COMMENTS