Rengkai HSA hmalaknain mi vuokna thu a inbiekrem

Fox Journal | CCPur: Liemtah July 24, 2017 ni a Tv. Lalrochung s/o Ramhluolien Khawbung, Rengkai le a ruolhai Khupliensang s/o Ginkhosei le Jehovah s/o Malsawmthang, Rengkai haiin Douglas Memorial High School student Mr. Francis Khawbung s/o Lera, Khawmawi le David s/o Siemtling hai kut an lo thlakna chungthu chu student an nina zar ah HSA Rengkai Unit in hi chungthu a inbiekna chu hma a lak a, inbiekremna fel tak a siem a ni tah.

Tarik 25, 2017 zing dar 7 khan, Rengkai Community Hall ah HSA Rengkai Unit in kut thlaktu tieng le tuortu tieng a nu le pa hai leh kokhawmin hi chungthu hi khingtieng khingtieng a inthawk thu um dan ngaithlak a nih a, kut thlak tuhaiin thaw nawk tta ngai lo ding le Pathien hming a ngaidam an inhnina angin inremna HSA Rengkai Unit hrietpuinaa siem a ni tah.

Hi inremna siem a ni le inzawm hin kut thlaktuhai chu bond sign in nei tir an ni thu chanchin ei dawng sa bawk.