Fox Journal | CCPur: Tulai hnaia EFCI Saikawt Presbytery Musical Committee in a buotsai, Project Vocal (Malzai hlasakthiem zawngna) chu hmun tum tum ah vel li zet inruolsiekna an nei zo hnungin, a vel nga le a tawpna Grand Finale chu zan liemta khan Sielmat EFCI biekin ah mipui tam tak le ropui tak a hmang zo a lo ni tah.
Hi hunser hmangnaa hin Chief Guest - Michael Esh, International Director, For One Life; Guest of Honour - Rev. Joseph R Joute, Director, For One Life Asia; Functional President - Tv. David Buhril; Chief Host - Rev. Lalhmingthang Famhoite, P/S ,EFCI Saikawt Presbytery hai an thang tawl a. Hmar Artiste Association GHQ thuoituhai khawm an thang niin chanchin ei dawngna chun a hril.
Final inruolsiekna hunser a hin Top 10 hai special number hla sak ding a ko sa an nih a, tulai hlasak thiem inlar Christina Sakum, Lalparzo Sanate le Judges hai a inthawk in hlasak ngainuom um tak tak hai ngai thlak a ni bawk a, inruolsieknaa thang tak hai chu Top 5 chen a mi hai an nih.
Result hi Audition round anthawk a Grand Finale chen a point an hmu dan izir a over all a lak a nih. Project Vocal 2017 lawmman latuhai chu a hnuoia mi ang hin a nih:
A pakhatna - Lawmsangzuali, Hmarveng.
A pahnina - Grace Lalramchuani Thiek, Rengkai.
A pathumna - Lalrinmawii, Muolvaiphei.
Top - 5 a tla phak hai pahni -
K.Z. Zawlrotling, Rengkai le Lhingjemhoi, Hmarveng hai an nih.
Lawmman hi a pakhatna in India pawisa ₹10,000, a pahnina in ₹5,000, a pathumna in ₹3,000 le Top 5 a tla pahni haiin ₹2,000 ve ve le Top 10 a mi haiin ₹1,000 seng an dawng a. Most improved singer KZ Zawlrotling in cheng ₹1,000 a dawng a, Sumfai baka hin chawimawina thuziek le thilpek dang dang an dawng sa seng.
Hi Project Vocal hi round dang dang hmang a ni sung po Nk. Gladys Lalrempui in hnesaw takin a host a, inruolsiekna po po a hin Pu James Songrolal Songate, Nk. Lalengvari Sinate, Pu James Pakhuongte, Tv. Joseph Pakhuongte le Pu Bobby R. Songate haiin endikna sin an thaw a nih.
Project Vocal Top 20, Top 10 le Grand Finale CD inchawk ding a um zing a, inchaw nuom hai chun Verites Book Room, Sielmat Christian Hospital le Tv. Abraham Selate, Ph No- 8416-037344 a indawn thei zing a nih.
SHARE:
COMMENTS