Fox Journal | CCPur: Fur ruo tui tam tak tlak nasat leiin India hmarsak biel a hmun tum tum a hai harsatna tam tak an tlun tah a, hringna chan khawm an um nuol tah.
Ruo sur nasat leiin phairuom a um Manipur khawphui Imphal khawm kum dang ang bawkin tuilien harsatna an tuok mek niin chanchin ei dawng a, amiruokchu, sawrkar uksak a hlaw naw hle niin ei hriet. Tuilet nasan pakhat chu tuiluong na ding mumal tak a um naw leia let hlak a nih.
Harsatna tuok nasa zuol hai RIMS Nurse le Doctor Quarter, Game Village le CP Quarter Lamphel hai an nih.
Hi laia cheng hai chu hmun him lem ah an insawn dawk tawl taa, zani chen khan tam tak chun an in hai an maksan a, a dang khawm a suokdawk ding an um mek bawk niin chanchin ei hriet.
Hi lai hmun hi Yumnam Joykumar Singh, Deputy CM, Manipur a biel sunga um vawng a nih.
COMMENTS