Fox Journal | Imphal: Tulai Manipur hmun hran hran ruo sur nasa hle leiin tui a lien hle a, chu hai lai chun Imphal West District Headquarter Lamphel khawm tui a let nasa hle. A let na hmun hai hi patling khawm ngal chen chen tui hi pal a nih. Siet tuok khawm tamtak an um a, Hmar mi tamtak khawm an inlum hai maksan in hmun himna lem a hai an insawn tawl. A tam lem hi AIR Staff Colony, EFCI Lamphel Biekin chung, ICI Compound hai an nih.
Hieng siet tuok hai hi khawtlang thuoitu hai le tlawmngai nunghak tlangval hai hmalakna in bieltu MLA in bufai le dal a hung pek a chu hai bak a chun HYA Imphal JHQ in bufai an thawlawm hai chu siet tuok suongkuo hai kuoma sem a nih.
Imphal Hmar Community Hall a sem ding ti a ni a, amiruokchu a remchang naw leiin Pu Lalthathang hai In, AIR Staff Colony a sem a ni ta lem a. Siet tuok hai hi Bufai Kg 10 le Dal sem pek an nih a. Tui hi a la lien pei leiin tlawmngai pawl in thuomhnaw an thak pui zing bawk niin chanchin ei dawng. (Report by Lalbelsang Infimate)
COMMENTS