Fox Journal | Saikawt: A Community to Serve (ACTS) rawngbawlna fe mek le inzawmin tarik 13 August, 2017 khan Happiness Home, Tangnuam ah naupang hai thuomhnaw le sumfai tlawmte inhlanna hun hmang a nih.
Hi hmuna naupang um hai hi fahra dam, society a inleng ve lo dam an ni tawl. Naupang haiin thilpek an dawnghai an lawm thiem em em. Hi home hi 31st December 2016 khawm khan lo hang kanin bufai le thil dang dang ACTS hin an lo hang pek ta bawk.
ACTS rawmbawlna hi Amazing Grace Home, Pearsonmun a Nau Fahra umna hai dam tum iemani zat chu thilpek bufai le thuomhnawhai chawiin an lo kan ta hlak bawk a. Hieng hai baka hin hmeithai le rimsie hai kuomah bufai le thuomhnaw dam an sem hlak bawk a nih.
Hieng sum le thuomhnaw hai hi khawlai a inthawk a hung am an na ti chu mi tamtak hriet nuom a hlaw hle. A hranpa in sawrkar a inthawk dawng a um nawa, memberhai le hiengang tienga rawngbawlna inhnikna nei haiin an thuomhnaw hlui dam hung lakhawmin, chuongang bawkin sum le pai tieng hai khawm anni a inlang ang peiin an dengkhawm a, chuonghai chu mi thangpuina dinga hmang hlak an nih a. Member hai hi sinthaw dam in an inhlawa, chuonga sum an hmu hai chu thangpui ngaihai thangpuina in anhmang hlak thu members a inthawkin ei hriet.
Hiengang rawnbawlna nei thei dinga Pathien hratna le hun tha peka an um hi an lawmna tak a nih tiin ACTS member hai chun an hril.
SHARE:
COMMENTS