Fox Journal | New Delhi: Zani August 12, 2017 chawhnung dar 2:30 khan Delhi ICI Freshers' Meet vawi 5-na an hmang. Programme hi session hnia the a ni a , Pu Lyan Samte le Nk. Esther Songate haiin programme hi hnesaw takin an thuoi. Tukum Freshers mi 53 in zieklut an um a, amiruokchu an reng hin harsatna dang dang leiin an thangkim vawng thei nawh.
Session hmasa lem a hin Fresher's hai infuina thucha Pu VL Renga Hriler in a hril a, inchuklai hai, sin zawng mek hai le sin thaw hai ta dinga thucha pawimaw tak tak el a hril a. Rev. Ramchuoilo Varte in kohran aiaw in thu hrilin, Kohran a in hmang dan le nungchang mawi dan hai a hril bawk. Bethesda Social Service Wing (BSSW) a inthawkin Pu Robert Khawbung-in siet le that nia tlawmngai pawimaw zie le Social Wing thil tum hai le mawphurna hai a hril bawk. Hun kar lakah hin hlasakthiem hai anthawk hla mawi tak tak ngaithlak a bawk a. Fresher's hai chau niloin mipui fekhawm hai khawmin an hlawkpui hle niin report chun a hril.
Hun khatna zo a ni hin mipui fe khawm hai po po tadingin ruoi inhnik tak le hning hnar tak el kil tlang a nih a. Hun pahnina a hin Freshers hai inthûk lema inhmelhrietna le an talent tha tak tak hai suklangna nei a nih.
Miss le Mister Fresher 2017 dingin Ms. Linda Khawbung, d/o Lalparsang, Parbung le Mr. Obedia Ralsun s/o Upa Lalruot Ralsun, Saikawt hai thlang an nih. Lawmthu hrilna hun Tv. Jac Famhoite an thawk ngaithlak zo a niin Pu Lalremthang Hmar in hun khar tawngtaina hmanga program suktawp le inthe dar niin chanchin ei dawng.
COMMENTS