Fox Journal || 23.08.2017:
'NC Hills' ti a hriet hlak Dima Hasao ti a thlakthleng ta district a hin chu țawng chapo thu ni loin Football tieng a hin chu Hmar hai hi a thiemtak ei inti ngam chie naw khawmin a thiem pawl chu eini hrim hrim ti inla ei ti suol kher ring a um nawh. International, National or National Club level a hai chuong taluo chun district dang hai angin lo phak hla naw inla khawm, Dima Hasao District a kher hin chu Hnam tin inhnar ei kai phak, ti thei khawpin Pasal le Nuhmei tieng khawm nisien hlawtlingna ei chang hi hriet ding a um nuol.
Zani lai el khawm khan Dima Hasao under-13 a inkhel dingin Retzawl khuo a'nthawk mi 3 chu select an lo ni der tah! Dima Hasao District hminga Football pet phak hi chu Haflong ruomsung lai hin an tam zie hriet a ni lai zingin, Haflong Town Area sung nilo, Retzawl khuo (17 KM from Haflong) a'nthawk mani district hminga Football pet phak dinga an um hi inkhelna tieng Hmar nauhaiin hma ei sâwn pei ti an entir leiin lawmpui an um bek bek. Inkhel hun a khawm thiemtak le hlawtlingna chang ngei dingin ei ditsak nghal bawk.
Photo: Vawitieng a'nthawkin -
1. Mr. Thilrohlu tuolor S/o Pu Thangmawi.
2. Mr. George Tuolor S/o Pu Chawimawi.
3. Mr. Mika Tuolor S/o Pu Rokhumlien Tuolor.
COMMENTS