Fox Journal | CCPur: Bethlehem veng, Rengkai, CCPur hmuna khawsa Pu Zothangluoi le a tupa Lalhmangai hai pahni chu Fox Journal Editor haiin vawi zantieng (August 7, 2017) khan thangpuina an ina fe in an inhlan.
Pu Zothangluoi hai hi taksa khawsakna kawnga harsa tak a um mek an nih a, ama hi kum 70 bawr vel ni ta ding a ring a nih. A tupa Lalhmangai (37) hi lawn thei lo, zeng, fak le dawn hai khawm thangpui tul a um mek a nih.
Fox Journal Editor haiin a enkawltu hnai an sunghai inbiekpui na an nei huna chun Lalhmangai a pu hin hnam a zawr hlak a chu chu an fak zawng na tak niin a hril a. Ni khata hin bu vawikhat an fak hlak a, Pathienin lunginsiettu a pek hai ringsanin fak le dawn chu an khawsa tawp niin a hril.
An pahni chau hi an khawsa a, a pu hi a na khawm a sêt ta hle a nih.
Fak le dawn fawm ding Bufai 10 Kg, Chini 1 Kg, Thingpui fe 1 Kg, Bei bawm 1, Bawngnene (Everyday half pava) le India pawisa sumfaiin cheng 500 Fox Journal Editor hai hin an inhlan a nih.
COMMENTS