Fox Journal | Imphal: "Is there Gender Equality in our Society?" ti thupuia hmangin vawisun August 19, 2017 khan Women Affairs Department, Kuki Inpi Manipur chun Kuki Inn, Imphal ah One Day Consultative Seminar a buotsai.
Seminar hi Rev. S. Prim Vaiphei in a hawng a, Dr. Tara. Manchin Hangzo, Chairperson, Women Affairs Department, Kuki Inpi Manipur in seminar hi a thuoi a nih.
Hi hunser a hin hnam dang dang le hmun dang dang a inthawk mi 40 bawr vel thangin, zing dar 11 a tanin zantieng dar 3 a suktawp a niin report ei dawng.
Resource person Dr. Vijaylakshmi Brar in "Domestic Violence prevalent in our Society - Are we doing something about it?" ti thupui hmangin paper a present a, Ms. Nandini Thockcom in "Decision Making Process/Mechanism in Society" ti thupui le inzawmin hriltlangna hun a thuoi ve.
Dr. Immanuel Z. Varte spoke in "Tribal Customary Laws - Is it favourable to women?" thupui neiin hun a hmang ve a, Rev. Benjamin Shakum in "Church Domain - Role of men and women in the Church" ti thupui hmangin hun a hmang ve.
Resource person hai baka hin Ms. Sarah Begum (All Manipur Muslim Women), Ms. Rose Mangshi ( KWU), Ms. Ngaineikim (KWHR) le Ms. J. L. Sawmi ( HWA) haia inthawk gender equality chungthu le thurawn ngaithlak a nih.
Resource person le fekhawm hai hin gender awareness chungthu nasatakin an hriltlang a, nuhmei pasal inthlier hranna chu insung le inchukna haia inthawk a intan a ni zie, ngaidan indik lo kulmut tak tak lo practise hai suktawp a tul zie le hlutna inthlier hranna hai chu gender equality khawtlanga a um theina ding a sukbo a tul thu an hril.
Hi seminar hin khawtlang a nuhmei le pasal in ang tlang taka um theina dinga lampui dap tha an ti a, hieng ang seminar hi our lem le tam lem la nei pei tha an ti thu ei chanchin lakna chun a hril.
COMMENTS