Fox Journal | CCPur: Rengkai Community Hall, CCPur hmuna Hmar Artist Association, GHQ in HAA Meet 2017 a hmang huna hlapawl inruolsieknaa khan lawmman a pahnina HAA Hmarveng Unit in an lak a, hi an lawmman lak hi a khaw phekin zing Inrinni khin sun le zan program siemin Siel that in lawmna hunser hmang dingin an inbuotsai mek thu ei dawng.
Lawmman lawmna hi Hmarveng Community Hall, CCPur hmun ah hmang ning a tih.
Sun huna hin Pu Hranglienthang, President, HYA Hmarveng Branch chu Chief Guest ning a ta, Miss L. Margareth, Advocate chu Guest of Honour ning ta, zantieng hun ah lawmna ruoi Siel sa kiltlang ning a tih.
Zan huna hin Pi Helen Lallienmawi, CDPO, ICDS, CCPur chu Chief Guest, Upa Laldawnlien Varte, President, HYA GHQ, Pu Lalvullien, President, HAA GHQ le Pu Jeffrey Saihmang, HSA CCPur JHQ General Secretary hai chu Guest of Honour in thang an ta, Dr. Rosangzuol Khawlum, Dr. Jire L. Pudaite le Dr. David Jamminthang hai chu Functional President in thang veng an ta, Pu Wilson Sanate, Chief of Hmarveng chu Chief Host in thang a tih.
Hi hunser hi HYA/HYC, HAA le HSA Hmarveng Unit in joint a an buotsai a ni a, HYA Hmarveng Branch in a sponsor niin chanchin ei dawng.
Sun hun hi zing dar 10:30 in Hmarveng khelmuol ah inkhelna le insukhlimna hin hmang ning a ta, chawhnung dar 2 ah Hmarveng Community Hall ah lawmna hunser hmang tan a ni ding a nih.
Sun le zan a hun hmang sung a hlasaktu ding hai chu Lalparzo, Ruoia, Christina Shakum, Gloria Khawlhring, Lien Shakum, Rebecca Darhmingmawi, Joseph Pakhuongte, John L. Varte, Lawmsangzuali le Ramtharmawi hai ning an tih.
COMMENTS