 |
| Rep.image |
Fox Journal| CCPur: Additional Director General of Police (HG), Christopher Doungel chun Supreme Court in Home guard hai hlaw sukpung na ding iengkhawm a la siem naw thu a hril. Court chun guideline zui ding chau a siem tiin a hril.
Home guard hai hlaw sukpung ti hi state Home Department intlun a ni tah a, Central sawrkar ruok chun hi ding le inzawm hin sanction iengkhawm a la siem nawh thu Pu Doungel chun zani Manipur Police HQ, Babupara, Imphal hmuna chanchinbu mi hai an hmupui huna chun a hril.
Home guard hai hlaw 90% central sawrkar in a pek ding ti ringna um chu thil indik lo a nih. Central hin home guard hai thla hlaw Rs. 4500/- (Mi pakhat) chau a tum a ni a, an hlaw hi sukpung ding a ni chun state sawrkar in maw a phur a tul ding a nih.
Home guard an duty thaw ngai lo hai chu sui ning a ta, action lak ning a tih. Home guard hai thla bi hlaw hi kum 2012 a inthawk khan bank a thun le lak vawng a ni tah a, an hlaw semna le inzawm hin hleprukna um thei naw nih tiin DGP chun a hril.
A hril zawm peinaa chun Supreme Court in guideline a pek chu India ram sung ah khawlai state a khawm hmang a la ni naw thu a hril a. Women home guard a hran a nei ding ti le inzawmin Doungel chun hi thil hi hmang a ni theina dingin official dang hai a lo titi pui ding thu a hrilsa. (Rep.image)
COMMENTS