Fox Journal | Imphal: HSA Imphal JHQ huoihawtna hnuoia zani tarik 10.08.2017 chawhnung dar 1 khan HSA Imphal JHQ Felicitation Programme 2017 - Imphal Hmar Community, Lamphel hmun a hmang a nih.
Lalbelsang Infimate in program keihruoi in hun hmasatak ah "Aw kan Hmar ram" ti hla sakin Upa John L. Infimate in hun hawng tawngtaina a nei zo in Malsawmthang Ralsun, President HSA Imphal JHQ in lawmlutna thucha a hril.
Pastor Joseph Lalneilien Khawbung in mipui fekhawm hai thuhril tawi hun a hmang na ah thalai le inchuklai hai hun vawng indik ding in an fui tawl.
Jacob L. Pulamte, Secretary Education in hlawtlingna chang hai lawmpuina thilpek inhlanna a hmang a, Pawl X mi 12 (MIL Hmar Topper leh), Pawl XII - 19, Bachelor Course - 7 (English le Environmental Science Department ah 4 position ve ve mi 2), UPSC Exam - 1, SSC Exam - 2 hai kuomah inhlan a ni a, hlawtlingna chang hai ta ding le HSA Hostel kum khat tling lawmthu hrilna tawngtaina hun a hmang a nih.
Thuhril tawi hun ah Jacob L Pulamte,
Secretary Education in MU ST reservation chung chang a report le HSA hmalak dan hai a hril.
Lawmthu hrilna Lallianmawia Singson, Asst. Gen. Secretary in lawmthu hrilna hun a hmang na ah mipui fekhawm tu hai po po le program hung uop tu hai chungah lawmthu a hril a, Music Instruments tumtu HAA Imphal Jt. Hqtr. chunga lawmthu a hril sa bawk a nih.
Hun tawp tieng "Dar ang lengna kan tlangram mawi" mipui in sak in Pastor Joseph Lalneilien Khawbung in hunkhar tawngtaina neiin program suktawp a nih.
Program karlak a hin HAA Imphal Jt. Hqtr. hai in mipui hla in an in awi bawk niin chanchin ei laksawngna chun a zieklang.
(Source: HSA Imphal JHQ Official Page)
COMMENTS