JAC-AKT thiek; Mr. Thangkhanlun a ruong vui ta ding

Fox Journal | CCPur: Pawisa inruk leia man le vuokhlum a um Mr. Thangkhanlun Simte a thina leia JAC indin a um chu vawituk tarik 22 August, 2017 khan Simte Inn, Sim veng, CCPur ah JAC body hai fekhawm in tarik 31 July, 2017 a indin JAC against the killing of Thangkhanlun Simte chu thiek niin, file pawimaw hai po po Simte Youth Organisation hnam thuoitu hai kuoma inhlan a ni tah.

JAC chun hi thil le inzawma a thil buoipui chu hlawtling tawka a hriet ta leiin mithi ruong khawm vui ta ding le a vuina kawngah SYO, STC le KZP kut ah a pek nghal bawk niin chanchin ei dawng.

Mr. Thangkhanlun zangnadawmna dingin sawrkarin nuoi 5 peng a ta, sawrkar sin suok hmasatak ah a sunghai pakhat takin apply an ta chu taka chun first priority pek a ni ding thu CM, Manipur in assurance a pek a, tuolthatnaa lukhaitu tak ni a hriet Mr. Romeo chu Manipur Police Department in lu man nuoi khat neiin Wanted ti a puong a lo ni ta bawk a nih.