NCHISF le apex body țhuoitu haiin DC an inhmupui

Fox Journal | Haflong: Tarik 28.08.2017 khan hin North Cachar Hills Indigenous Students Forum (NCHISF) thuoitu hai le hnamtin a apex body ṭhuoitu hai chun Deputy Commissioner Shri. Ranjit Hazarika chu a Office Chamber a MSDP chungchang an hohlim pui.

Hi huna hin apex body tin hai chun council an'thawk a development fund hlak kan dawng ṭha naw leiin hi MSDP hin nasatakin kan ram le in hai le school hai a suk develope ding leiin tuta 2017-18 budget thar a ding hin a pawimaw le ṭulna hai a proposal kan hung siem a mi pawm pêk thei hram la tiin proposal siema um hai chu DC kuoma chun an inhlan a, DC chun apex body meuin ṭul a ti chu a ngai pawimaw hle thu a hril.

Chun, hmatieng peia khawm sinthaw tlang a nuom thu a hril bawk, Student hai le apex body hai hmalakna hi an pâk hle a, kawng dang dang a khawm a theina china ṭhangpui an pei zing thu a hril bawk niin chanchin ei dawng.