Fox Journal | Lumding: Zani 09.08.2017 khan Mr. David Keivom, President NC Hills Indigenous Students' Forum, Mr. Robert Changsan KSO Assam President, Mr. Laldamlien Hrangchal, HSA Harangajao Block President, Mr. Ringa Parate, Secretary NCHISF Harangajao Branch le Mr. Lalhmangai Lungtau Principal Bethany English School hai le Railway hotu hai chu Divisional Railway Manager a chamber ah meeting pawimaw tak an nei.
Hi huna hin thupawimaw tamtak hriltlangna an neia, a hnuoia ziek ang hin inbiekremna siem a nih:
1. Old Harangajao Station le a sevêl a building hai chu suksiet lo a school building a hmang ding le a enkawlna le a ṭulna a hmang dingin Bethany School le HSA Harangajao Block in an hnina chu DRM hin tha a tiin a lawm hle a, amiruokchu, official thil buoipui ṭul hai la hung sukfel hmasa dingin NCHISF chu an hriettir a, an zofel huna permission hi hmu vat beisei a nih.
2. NCHISF in Memorandum a lo pêk ta angin New Harangajao station le Mahur Station le Ditokcharra Station chu approach Road siem a ni vat tading thu le Mahur Station chu work khawm contractor hai kuoma allot a ni ta thu DRM in a hril.
3. BG siem na lei a in (House) le ram suksiet a um hai compensation pêk vawng dinga ti chu In siet man ti lo vawisun ni chena ram man pek ding bangkhai hai chu DRM in an hmatienga General Manager (Construction), Maligoan lo inbiekpui in lo sukfel vat dan an ngaituo ding thu a hril.
4. Foot Over Bridge Ditocchera, New Haragajao le Mahur a siem dinga hnina hai chu Railway le NCHISF hai joint survey report a lo hmu ta thu le estimate khawm zofel an taa, sin ṭan vat a ni ta ding thu a hril.
5. Chun Railway Department a IV grade sin Local mi le sa hai tadinga huol le pêk nisien ti thu a hin DRM chun a neka thuneitu insang lem hai kuoma lo intlun a an hmatienga hma a lo lâk tum thu DRM hin NCHISF ṭhuoitu hai a hril.
6. Passenger Train Stoppage New Harangajao le Mahur station a um dinga ngên a lo um ta chu DRM hin a theina chin a lo bawzui ding thu le Rail station a passenger train hai a chawl hun khawm suk sei met ta thu a hril.
7. Hills Queen chungthu ah NCHISF hin hun sawttak an'thawka Hills Queen in tlântir nawk dinga an ngênna chu June 2017 khan intllântir hman dinga DRM a lo intiem kam ta chu an insingsa zing lai technical problem leiin an in zofel hman naw chu pawi a ti hle thu hrilin tuhin hma an lâk mêk a an hnu tawpa Oct. 2017 chen a intllântir hman a ni ding thu a hril.
8. NCHISF chun Mahur le New Haflong hai chu Beautification thaw dinga a ngen na chungthu a khawm hin theitawp a hma a lâk ding thu a hril a, joint inspection tir vat dinga ti a nih.
9. New Haflong Station a Washable Apron siem dinga ti chu Haflong mipui i fâk Diyung vadung a sukpawrche ding a ni leiin cancel dinga NCHISF in a ngênna chu DRM in vadung sukpawrche lova siem a ni thei dan ding ngaituo a ni ding thu hrilin, vadung suk pawrche lo chu a thil tum tak a ni thu a hril a, siem hma in NCHISF hai le joint a la en tlang ding a ti a nih.
Hieng a chunga zieklang um hai hi hriltlâng a ni zovin beiseina le lawmtakin DRM Chamber hi thuoitu fekhawm hai hin an hung suoksan niin chanchin ei dawngna chun a hril.
COMMENTS