Fox Journal | CCPur: July 28, 2017 a rukru man a um Mr. Thangkhanlun Simte S/o Mr. T. Pumhang Simte, Sahei Road, Churachandpur vuokhlum a nina le inzawm a JAC against the killing of Thangkhanlun hmalakna chu a la fe pei a, vawisun khan Police Station, CCPur hma ah Dharna nei a nih.
JAC indin a um hin Peaceful Rally le Bandh hai CCPur khawpui sung ah a lo huoihawt tah a, chu baka chun hi tuolthatna chungthua a lukhaitu tak ni a hriet Mr. Romeo (ZRA Town Commander) chu August 6, 2017 zanril chen a Police le sipai haiin man ding a ultimatum an pek chu an hlawtling naw bak ah an uksak tawk nawa JAC chun a hriet leiin vawisun a Dharna hi rawt niin chanchin dawng a nih.
Chun, zing tarik 8 August, 2017 khin SP, CCPur Office tuol ah dar 10AM - 1PM sung khin Dharna nei ni nawk a ta, hi Dharna a hin CCPur sunga remna le muongna, tuolthatna ditnaw tu mipui hai tam tak thang dingin JAC chun mipui fielna le ngenna hi chanchin fethleng hin a siem sa nghal.
COMMENTS