Fox Journal | Sielmat: Liemtah August 15 khan Trinity College and Seminary, Sielmat chun an College campus ah a vawikhatna dingin "Serve God, Serve the Nation" ti thupui hmangin Independence Day-2017 hunser an hmang ve.
Hi huna hmangna a hin Col. D. S. Murty, Deputy DIG, 27 Sector Assam Rifles chu khuollien in a thang a. Col. D. S. Murty hi India rama sipai tienga chawimawina Surya Chakra le Sena Medal Bar hai hiel lo dawng phak an tah. Mission le kohran tieng hotulien iemani tawkin hi hunser hi an uop bawk.
Rev. Jonathan Pudaite, Principal in fe khawmhai lawmlutna a nei zovin Chief Guest in India flag keipharna hun a hmang a, hi zo hin India National anthem sak a nih.
Chief Guest Col. D. S. Murty in a thuhrilna ah India mi le sa ei nina le inzawma Bible College tienghai khawma hienganga India ta dinga hun pawimaw inserna chang ei hriethai hi lawmum a ti thu a hrillang.
Inchuklai naupang haia inthawk patriotic special no. Mera Mulk, Mera Desh ti ngaithlak a ni zo in, Rev. V. Lalthalien Zote in India mi le sa ei ni anga hieng chen Pathien thuoina kawngah lawmthu hrilna le, ram thuoituhai (central le strate) ta dingin tawngtaina hunser a hmang. Hun tawp takah Lalpa tawngtaina (Lord's Prayer) in Sanskrit hrilin hunser hi suktawp a nih.
COMMENTS