Fox Journal | CCPur: Blessed Choir Conductor a ni lai zing a cancer natna invawi a, enkawl dam zo lova a rawngbawl chanpui hai a maksan hnungin Blessed Choir hai chun an Choir Conductor Lalnunthar hrietzingna Music Video an siem hai chu vawisun khan Lalnunthar hai inah tlângzar na hun an hmang.
Lalnunthar a hrietzingna Music Video hi Blessed Choir in pathum siem dinga a ti nisienkhawm remchangnawna leiin pahni chau siem thei a ni taa, Lalnunthar a naupa Albert in a pa a phuok khumna hla leh a rengin pali ding kha pathum chau tlangzar a ni ta lem a nih.
Choir Secretary report ngaithlak a ni zoin Music Video tlangzarna hunser hi Rev. T. Remthang in a hmang a, Mr. Thangzarlien, Adviser le Mrs. Lalnuntluong, Finance Secretary, Blessed Choir haia inthawk thuhril ngaithlak a ni bawk.
Music Video thar hai hi Youtube ah upload nisienkhawm, rawngbawlna kawnga kut rawl nuom hai chun Secretary (8575236878) le Finance (9612099141) hai kuoma ngaiven a inchawk thei ning a tih.
Music Video Link:
1. https://youtu.be/HkSYCgv4nJs - "Van hmun ropui"
2. https://youtu.be/NOLoxkhMOsY- "Hril kan hai ngei"
3. https://youtu.be/kcGzUCEGH-I - "Kan ko che Zuopa"
Blessed Choir Music siem ding ei lo insuo hmasa lem kha a hnuoia hin tiem thei a nih.
http://www.foxjournal.in/2017/09/blessed-choir-conductor-hrietzingna.html
COMMENTS