 |
| HSA CCPur JHQ Joint Meeting file photo |
Fox Journal | CCPur: HSA Day October 3 chu tukum hin HSA CCPur JHQ biel sung a puithu tak a hmang tum a nih. Hi ding le inzawm hin HSA Day CCPur JHQ chun HSA Day Celebration Committee an din a, Convenor in Tv. Joshua L. Amo le Co-Convenor dingin Pu Lalngailien Pulamte hai ruot an nih.
HSA Day hmangna ding le inzawm hin tarik 6 khan Celebration Committee a vawikhatna inthung in, fund zawng tan na dingin Lottery hawngna le inhlanna Pu Jeffrey Saihmang, General Secretary, HSA CCPur JHQ in a nei.
Lottery hi Unit tin hai kuoma zawr dinga a peksuok nghal a ni a, HSA Unit haiin an hung zawr hun ah nu le pa le Thalai haiin tlawmngai taka lo inchaw diet diet dingin Celebration Comt. Convenor chun ngenna a siem a. Chun, hungtlung ding tarik 15 September, 2017 khin Rengkai khuo aj vawk that nawk dinga ti a ni a, hi huna khawm hin mipui in hung inchaw a hung dawr dingin Celebration Comt. chun fielna a siem sa.
Nu le pa le CCPur sung a cheng Hmar haiin Celebration Comt.hai hmalakna kawng iengkim ah lo thlawp dingin fielna an siem bawk a nih.
COMMENTS