- Reports & Photos: Lalbelsang Infimate
Fox Journal | Imphal: Imphal Hmar nau hai laia inkhêlna chi tum tum a inruolsiekna ni thum sûng aw ding Imphal Hmar Sports 2017 chu zanikhan Khuman Lampak hmunah ṭan a lo ni ta a, Indoor Games khawm Imphal Hmar Community Hall ah vawizan khan ṭan a lo ni ta bawk.
Opening Ceremony hun hi Tv. Lallianmawia in a keihruoi a, Pu Kennedy, Chairman, Organising Committee ainthawk lawmlûtna thucha hril a. Chief Guest dinga fiel Pu Zorisang Ṭhiek, MSS chu a hung thei naw leiin Pu C. Ṭhuoilien Chief Guest in a ṭhang a, ama ainthawk thuhril tawi ngai a ni a, khawtlang ṭhuoitu HYA le HSA a inthawk ngaithlâk a ni bawk.
Teams haia inthawk Oath Taking nei a ni a, team 10 an ṭhang thei a, group pahni (2) a inṭhe in league round a khel a nih, group champions 4 hai in semi final an inkhel ding a nih.
League match second round chu vawisun hin sunzawm a ni ding ana, team tin hi an thiem thei leiin tu chen a ding chun tu hai am group champion le runnersup ning an ta ti chu mipui in hril harsa an ti hle.
Hi sports a hin Fox Journal chu Media Partner in a ṭhang a, ei correspondent Tv. Lalbelsang Infimate chu Official Photographer in a ṭhang bawk a nih.
Sports hmun hi ruo sûr leiin a pawr nasa hle a, an khêl tu le en tu mipui haiin harsa an ti hle a. Hi sports hi entawn tlâk pakhat chu Imphal khawtlang a inziek lût le Imphal a inchûkna le inzawm a um hai naw chu ṭhang phal a ni naw na hi niin report chun a hril.
Hi sports a team ṭhang hai chu:
Group A
Lamphel Bharat FC
MU Hmar Students
Langol Suras FC
N.G.V. Area
Mistiri FC
Group B
Phîngbêl FC
HSA DM College Unit
HSA Modern College Unit
Maram Hmar Students
Checkon Area
COMMENTS