Fox Journal | Haflong: Tarik 09.09.17 khan NCHISF ṭhuoitu hai le Goan Bura ṭhenkhat BG Line construction leia harsatna tuok tu hai chun North East Frontier Railway Manager Shri. C Ram chu New Haflong Station a inbiekpuina an nei.
A hnuoia ang hin inbiekna nei a nih.
1. NCHISF le Goan Bura Railway BG line construction leia in le lo tamtak chân hai chun a ram suk changkang nawk nading ngaituo in Land Development compensation hni a lo um ta chu GM kuoma inthlun nawkin titi pui a ni a, GM hin kei ka thei chin a Thing le Thlâi man Zerrat Value ka lo pêk ta cheu a Land Development compensation ruok hi chu Railway ministry approval a ṭul tading leiin hun a la aw sawt met ding thu a hril.
2. Railway Department ah IV Grade sin hi Local mi le sa a bikin tlângmi hai tading bik a huol nithei sien ti a hnina lekha NCHISF in a lo pêk ta chu GM kuoma hin hril pui nawk ani a GM hin tlângmi hai suk changkâng hi a theina chin a chun a tum ve a hi thila khawm hin a thei anga hma lâk a ni ding thu a hril bawk.
3. Hills Queen thu a hriltlângna nei a ni a GM hin Fûr ruotui leiin Hills Queen thu s hin an lan zo zâp el theinaw a amiruokchu phalbi sûng ngei intlântir a ni ding thu a hril bawk.
4. MG line chungthu a NCHISF chun hmun ṭhenkhat a hai Rail Leilâk hai suksiet a ni ta a ala um sun hai hi suksie talo dingin a ngênna chu GM hin khuo ṭhenkhat in an la hmang ṭangkai a ni chun suksiet loa a um anga la um hri dingin a hril bawk.
COMMENTS