Fox Journal | CCPur: Liemtah tarik 3 October, 2017 khan HSA Sielmat Unit chun pawl sari a inthawk pawl kuo chen, a nuom taphawt hai ta dingin free tuition, Sielmat HYA Hall ah an lo tan tah.
Tuition hawngna hi Sielmat unit President Tv. Jessai Pudaite in thuoi a, Secretary in hrilfiena a siem zoin Rev. Dr. JL. Songate in free tuition hi Pathien kuoma tawngtainain a hawng.
Hawngna hunser hi khawsung Val Upa, VA le HSA CCPur JHQ General Secretary khawma a uop ve.
Tuchena hin hi free tuition a thang ding a inzieklut chu mi 20 an chuong ta niin ei hriet a. Tutor hi Unit OB laia mi 2 an thang mek a, an rengin mi tlawmngai hai leh 4 ding niin Unit Secretary chun a hril a. Tutor sin a thangpui nuom hai chu iengtik lai khawm lawmlut an ni zing thu a hrilsa bawk.
Free tuition hi thla khat thaw phawt ding a riruong a ni a. Tuta student enroll a um hai hi Sielmat le Rengkaia inthawk an nih a. Zantieng dar 4-5 hmang tlangpui a nih.
COMMENTS