Fox Journal | CCPur: Vawisun November 14, 2017 khan Health Minister L Jayantakumar chun AYUSH Hospital, khum 50 um theina ding bawlna ding lungphum chu Muolvaiphei khuo, CCPur District ah Pu V. Hangkhanlian, Minister - Agri, Vety & Animal Husbandry (Manipur), Pu Shyam Lal Poonia, IAS - DC, CCPur, Dr. Guneswhor Sharma, Director of AYUSH (GoM) le Pu Lalzarlien Darngawn (Hmun thawlawm tu) hai hmu hawiah a hawng a. Khawtlang thuoitu, hnam sung a pawl tum tum thuoituhaiin hi hunser hi an uop ve.
Hunser hmangnaa Health Minister in hi Hospital hi kum 2018 December hmaa bawl zofel a ni ding thu a hril a. Pathien thatna zarin sawrkar chun hi Hospital hi Krismas thilpek anga CCPur District mipui hai kuoma inhlan a tum a nih tiin a hril.
Hospital hin AYUSH Doctor thangsain thawktu mi 78 nei a ta, thawktuhai Quarter ding khawm hi hun tiem sunga hin zo a ni ding thu a hrilsa bawk. AYUSH Hospital bawlna dinga sengso riruong a um chu India pawisa 6.5 Crore a nih.
Health Minister chun Manipur CM Pu Biren a thupui Go to Hill hmangin state mipui hai kuoma a takin thu a hril mek a nih tiin a hrilsa.
COMMENTS