Fox Journal | CCPur: LAMKA CORE ti a pawl um hai chun hungtlung ding November 24, 2017 a inthawk khin ni sawm sung (Ni inzawm kher ni lo) aw ding Comedian Hung 2017, Chapter 1 an buotsai tan ding niin chanchin ei dawng. Hi Comedian Hunt 2017 ding le inzawm hin Fox Journal (www.foxjournal.in) chu official Media Partner ding a ruot a ni bawk a nih.
Comedian Hunt 2017 hi hnam khat chau ta ding a buotsai a ni naw a, tawng dang dang hmang tlangmi a thang nuom taphawt hai ta ding a buotsai a ni thu organiser haia inthawk chanchin ei dawng.
Comedian Hunt 2017 nei na hmun ding chu YPA Gen. Hqtrs Hall, Hiangtam Lamka, CCPur hmun ah ning a ta. Audition Round hi 24th November, 2017 zantieng dar 5 a inthawk tan ning a tih.
Lawmman ding:
1st Prize - Rs. 20000/- + Trophy + Citation
2nd Prize - Rs. 10000/- + Trophy + Citation &
5 Consolation Prizes.
Thang man (Participants’ Form) chu mi pakhat ah cheng zakhat (Rs. 100/-) ning a tih.
Comedian Hunt 2017 registration form lak theina hmun hai:
1. Hiangtam Lamka - Mualveng Dawr
2. Zenhang Lamka - Haulun Dawr
3. Rengkai - Joute Enterprise
4. New Lamka, Hebron Veng - Teddim Rd. - SG Signature Graphic
5. New Lamka, Dorcas Rd/Chimtung Veng - KulungMedico
6. Mata - Nemnu Hotel (Auto Parking)
7. Tangmual, Teddim Rd. - Boicy Dukan
8. Bungmual - JC Park, Mawii dawr
9. Chiengkawnpang - M/s Obed Enterprise
10. Opposite District Hospital - ST Medical Store
Form hi lak thei zing a ni ta a, form submit theina hun tawpni chu November 21, 2017 ning a ta. Form hi a lakna hmun vek a submit kir nawk ding a nih.
COMMENTS