Fox Journal | CCPur: Muolvaiphei, CCPur hmuna Independent kohran inkhawmpui lien a vawi 68-na hmang mek chu vawisun hi a tawp ni a lo ni tah.
Chawhnung inkhawm ah Ordination service hmang a nih a, Pro -Pastor mi 6 hai Reverend ni ta dingin Rev. Lalhmingthang, Secretary Evangelism in Pathien hmingin a ordain tawl a nih. Tuta tum a ordination pek a um hai po chu a hnuoia hai hi an nih (Pro-Pastors):
1. David Lalramsan Joute, Bhubaneswar, Odisha
2. Gospel Darsiemlien Sinate, Madanriting, Shillong
3. Joseph L. Khawbung, Delhi
4. Joseph Malsawmzuol, Kolasib, Mizoram
5. Lalthoruol, Moirang Khunou, Manipur Mission Field
6. K. Mawia, Jatinga, Meghalaya
Chun, rawngbawltu Rev. Maylawmthang, Pastor Vungsanglien, Pastor Rodawnglien le Upa Khupzakai hai chu ringum taka an rawngbawlna hlutsakin an chawl hun a lo tlung ta angin Assembly in pension a pek bawk a nih.
COMMENTS