Fox Journal | CCPur: December 5, 2017 a Tuithaphai suoksana Hmarbiel/Pherzawl District hmun tum tum sir dinga inzin suok Hmar Youth Association (HYA) GHQ țhuoitu hai chu dam takin zani hmasa khan Ccpur/Tuithaphai an hung tlung nawk tah.
Hmarbiel an cham sungin khuo tum tum haiah Free medical camp an huoihawt bakah HYA Hmarram Joint Hqrts le HYA Vangai Jt Hqrts thuoitu thar ding thlangna hai an neipui.
December 15, 2017 khan HYA GHQ thuoitu Upa Laldawnlien Varte, Gen. President le Alan Famhoite, Gen. Secretary han Dr Kim Simte, CMO, CCPur le Pu Michael Ginzasuan, DSO hai an office-ah inhmupuiin Hmarbiel le Vangai ngirhmun le an thil hmu hai an intlun.
CMO kuomah Tipamukh Sub-Division sunga CHC hai ngirhmun, thawktu le hmangruo hai chungchang hai an intlun a, DSO kuomah Parbung Sub-Division huomsunga NFSA chungchang hai hriltlangpuiin hmatieng peia hmalak dan ding hai an hril tlang a, Manipur CM N. Biren Singh kuoma khawm lan tlun pei an tum thu HYA GHQ thuoituhaia inthawk ei thu dawngna chun a hril.
COMMENTS