Fox Journal | Imphal: Vawisun 14 January 2018 hin Good News Bible College, Imphal chun an Graduation Service Vawi 7-na an hmang hunah Dr. Chaltonlien Amo chu Doctorate Degree an inhlan. Hi hunser hi Tangkhul Baptist Church, Lamphel ah hmang a nih.
Good News Bible College Principal in Dr. Amo Honorary Doctorate Degree an inhlan nasan a hrilnaa a chun, Dr. Amo hi ei ram, Manipur a muongna le himna a um theina dinga hma nasa tak latu ana, Naga Kuki Clash 1992 le Kuki Zomi Clash 1997 lai remna a um theina dinga theitawpa țhang latu a ni leia inhlan niin a hril a. Good News Bible College hin Manipur Chief Minister hlui Pu Rishang Keishing kha Doctorate Degree an lo inhlan taha, Dr. Amo hi a pahnina a nih.
Chuleiin, an Doctorate Degree inhlan a khawm. hin "Life Time Achievement and Peace Maker" tiin an ziek. Hieng anga Dr. Amo, unau hnam dang, tawng dang hmang haiin ditsakna le chawimawina an inhlan hi a ropuiin lawm a um. hle a. Hunser hmangnaa hin mipui tam tak an pungkhawm.
Dr. Amo hi Medicine Doctor (MMBS) a ni el bak ah, tuta Honorary Doctorate degree holder a nina ah Dr. Degree pahni nei a ni taa. Ama hi Tipaimukh AC a inthawk a Congress candidate niin 2017 11th Manipur state Assembly Election ah MLA ding a thlangtling a nih.
COMMENTS