Amity University a inthawk Gold Medal dawng Hmar nunghak

Amity Univ. Gold Medalist Lisa Vanlalsiami

Fox Journal | Jiribam: Nk. Lisa Vanlalsiami Shakum d/o Rev. Benjamin Shakum, Jiribam chun Amity University, Gurgaon a inthawk gold medal a lo dawng thuoi el.

Ama Nk. Lisa hi History honour niin, lekha thiem thei tak a ni a, Class X hi PMS English High School, Hmarkhawlien a inthawk kum 2010 khan English ah letter mark a hmuin a zo a, kum 2014 khan class XII hi Holy Cross School, Silchar a inthawk 72% hmu in History ah letter mark hmu bawk.

Tuhin ama hi UPSC Exam ziek dingin an singsa mek a. A hlawtlingna thuruk a hrilna a chun, Pathien zar lieu lieu a ni a, chun a nu le pa le a u le nau hai encourage na lei niin a hril bawk.

Nk. Lisa hi suong a um hlea, hmatienga a thiltum hai hlawtling pei dingin ditsakna vochuom ei inhlan a nih. Tuhin anni hi an sungkuo in Hmarveng, Jiribam ah an khawsa mek a nih. (Hmarphairuom)