Fox Journal | Haflong: Hun lo fe diei ta sienkhawm, tarik 16 Feb, Zirtawpni (Friday) khan Audios & Tracks Inpêkna (WhatsApp group) Admins haiin an admin chanpui, Mr. Zathangsiem a pa, Upa Lalzathlur Zate râlna hun Muolhoi (Muolveng) ah va hmangin râlna thilpêkin Memento an inhlân sa bawk. Admins 13 an nih a, an rêngin fe theinaw hai sien khawm Admins laia lusa pawl hai hieng:
1. Patrick A.T. Changsan (Chief Admin)
2. Bethel Lalsanglien Inbuon (Asst. Chief Admin)
3. Lalnunsung Varte (Audios & Tracks Main uploader Admin)
4. Rose Puruolte (Security Admin) hai va fein group indin a ni dân thuhai, thucha țhatak tak leh țawngțaina hai neiin hun hmang a nih. Inneitupa, Pu. Kampu Zate khawmin Audios & Tracks Inpêkna Admins hai thil thaw hi a lawmin ropui a ti thu a hril.
Chun, hi Memento siemtu hi Pics & Graphics Admin le hlasakthiem ni bawk, Tv. Joshua Khawbung a nih a. Ama'n a thlâwnin iengkim typing le design hai nal taka a hung siem leiin Admins hai a chungah an lawm tak zet a nih.
COMMENTS