CKTP Chairman le Secretary a inthawk a Independent Kohran Thalai inkhawmpui lien a țhang ding a fielna || www.foxjournal.in
The 34th K.Ț.P GEN. CONFRENCE HMANGPUI DINGA FIELNA
Independent Church of India (ICI) kohran hnuoia Central Kristien |halai Pawl chun hung tlung ding tarik 23-25 February, 2018 sung khin Rengkai khawpuiah General Conference vawi 34-na nei ding a na; hi huna hin Pathien Thu le Hla ngaithlaa, conference mi hung hmangpui dingin Hmasawnna Thar tiemtuhai po po Pathien hmingin kan fiel cheu.
Rawngbawltu senior le Pathien thu indik taka vawng hlaktu – Rev. H.B Hluothang, tulai țhalaihai laia Pathien thu tienga ei suong em em, thuhriltu ropui (L) Rev. Lalngaisang a naupa Rev. Alan L. Țhiek le țhalaihai laia kum 20 chuong rawngbawla lo inhmang tah Rev. H.P Runremthang haiin “RALKHING TIENG SAWN KAI EI TIU” (Mk.4:35) ti thupuia hmangin Pathien thu hril an tih.
Chun, tulai țhangthar khawvela țhalai suongum tak takhaiin power point hmangin presentation nei bawk an ta; chuonghai chu: Upa Dr. Zawlthanglien-in India sawrkarin a khukpui em em Clean India Movement (Swatch Bharat Abhyan) a hin Kristien Țhalai Pawlhai mawphurna mi hril a ta. Ama (Dr. Zawlthanglien) hi Scientist niin, North East India Polution Control Board a Regional Director sin thaw lai mek a nih.
Chun, India rama Kristien suknawmnatna hmunpui pakhat laia mi Odisha rama Missionary sin thaw mek Evan Chawngtuolur-in “Ka lunginsiet naw ding am a ni?” (Should I not be concerned) ti thupui hmangin power point presentation nei bawk a tih. Chu khelah, India ram pumpuia combined exama khawm thaw țhaa inlang phak nunghak suongumtak Esther Lalțankim-in “Isu le chun iengkim thaw thei a nih” (I can do all things through Jesus) ti thupui hmangin țhalaihai laiah sharing nei bawk a ta. Amanu (Esther) hi Delhi University Hans Raj College-a khawm Mathematics Honour lo la ngat a ni bawk.
Tv. Mesak Lalsanhim-in tulai țhangthar țhalaihai ta dinga sin hmu thei dan ding chi tum tum hrilin hun hmang bawk a tih. Ama (Mesak) hi lekha thiem chau ni lo, mi thiem tak a nih. HSLC le 10+2 hi G.C College, Silcharah First Class in a zo a. Silchar Commerce College (Assam University) hnuoiah B.Com First Class in a zo bawk a; chun, MBA chu United World School of Business, Gujarat ah First Class bawkin a zo nawk a. Chu chau ni loin, Jodhpur National University, Rajasthan a inthawkin M.Com khawm First Class bawkin a zo nawk a nih. Tuhin J.K Tyres and Industries Ltd. ah SALES OFFICER sin a chel mek a. Chu el khelah tuhin IGNOU, Siliguri hnuoiah M.A (Economics) khawm an chuk mek a; chun, JK LAKSMIPATH UNIVERSITY, Jaipur, Rajasthan hnuoiah Ph. D khawm a lan chuk zing bawk a nih.
Hienghai baka hin tulai Technology khawvel a programme hmang hlak, Pathien thuawi mi takel Tv. Ramhmangai Khawbung-in hi khawvel ropuina nek hin “Isu nei ka nuom lem” (I rather have Jesus) ti thupui hmangin tulai technology laka țhalaihai inveng a țulzie hrilin hun hmang bawk a tih. Aam (Ramhmangai) hi kum 2011 khan B.Tech (Information Technology) NIT Bhopala zoin, Khawvela Multi National Company (MNC) lien pawltak hai laia pahni ‘Deloitte’ le PWC ah kum 5 lai ‘Forencic Technology hmangin ‘Audit’ le ‘Fraud Detection’ sin lo thaw tah a nih. India el bakah Europe le Meddle East a hai project dang dang a thaw ta bawk. Tuhin ATM (Debit/Credit) Card Company, Master Card Worldwide ah Programme Manager niin, Predictive Technology hmangin sin a thaw mek a nih.
Hienghai baka khawm hin Hla tienga mi ropui Bu Buonglienkung le Rev. Thangngur hai hming chawiin Buonglienkung Music Award (Choir) le Rev. Thangngur Music Award (Solo) inchuna a um bawk ding a nih. Hi huna hin Rev. Thangngur a tupa Rev. Lalngailien khawmin Greetings neisa bawk a tih. Chu chau ni loin, Presbytery Choir țhenkhathaia inthawk le ICI Central Choir haia inthawkin Hlapawl mawitak tak ngaithlak ni bawk a ta. Chun, Evangelical Organisation Church (EOC) kohrana Youth Co-Ordinator a’nthawk Greetings le EOC Central Choir ^’nthawk Hlapawl mawitak ei ngaithlak bawk ding a nih. Hienghai b^ka hin kum thum sunga Rev. Thangngur Music Award lo dawngtu Miss Quilyn Lalrovel, Miss Lalhmunmawi le Miss Lal\hapui Faihriem haia inthawkin inpakna hla ei ngaithlak bawk ding a nih. Chu chau ti tak loah N. Delhi City Church KTP haiin Naupa tlanhmang (Prodical Son) besanin Shortplay Drama present an ta; Guwahati City Church KTP haia inthawkin CKTP Vision – Thlarau Saltanghai Sansuok ti besanin Skit present bawk an tih.
HMELDANGLAMNA tlanga inkhawmpui chu member an fe tlawm khawpel, mi 4 chau an nih; sienkhawm, inhawi an ti taluo a, bawkte khaw an rawt hiel a nih. Iengdang lei an nawh a ISU A ȚHANGVE LEI A NIH. Chuong ang bawkin tuta țuma țhalai inkhawmpuia hin mi tam ringawt a buoipui nawh a, nal le mawi khawm a buoipui nawh a, Hall ropui le mawi ringawt khawm a buoipuitak an nawh, ISU MAWIZIE ngawt hi a buoipui a nih. Ei umhmun sengah lo țawngțai seng bawk ei tiu.
Sd/-
(Rev. Zothanghrim)
Chairman
Sd/-
(Rev. H.P Runremthang)
Secretary
CENTRAL YOUTH DEPARTMENT
Independent Church of India
SHARE:
COMMENTS