Fox Journal | Haflong: March 19 (Thawtanni), 2018 khan Huonveng Harangajao PCI Compound ah HSA Harangajao Block chu Education & MIL awareness program a buotsai.
Awareness program a Resource Person hai chu Rev. Lalmalsawm Faihriem, Pu Chawngul Țhiek ( Auditors HSA Hjo Block/Retired LPTeacher), Tv Laldamlien Hrangchal (President HSA Hjo Block/Teacher LJV School) hai an nih.
Hi zan hi HSA Harangajao Block chun inchukna, thiem inzirna tieng le MIL chungthua hril inhrietna khawsung huopa nei a nih. Hi hun a hin Nu le Pa tamtak le inchuklai hai mi 100 bawr ding vel pungkhawma hun hmang a nih.
Hun hmasatak a, Pu Huollal Tuolor (President VDP Huonveng) in țawngțaina hun hmangin program țan a nih a. Unit a inthawkin introduction nei niin Vice President Pu Lalsumlien Faihriem in lawmlutna hun a hmang a, Solo Tv. Benjamin in a zawm peia, Block Secreatary Tv. Lalrothan Vankal khawma Introduction nei zo in Resource person hai anthawk thu țha tak tak ngaithlâk a nih.
Poin thenkhat hai:
1. MIL leia Hmar nau hai ei vang nei zie le ei hmațhat zie hai le ei chawisang a phu hlie hlie a nih.
2. Inchuklai hai lekha tiem na a hun tam lem hmang a țul zie lem.
3. Mani țawng mani hnam ngaipawimaw a țul zie.
4. Țawng a dam chun hnam a dam.
5. Lekha inchuk na a khawm, Pathien hi hriet hmasa tak a țul zie.
6. MIL Hmar Assam a le Manipuri sawrkara in a mi pawm pek na hi ngai hlu a chawisang ding ei nih ti hai le a dang dang, naupang infuina le Nu le Pa hai ta dinga infuina thucha hai ngaithlak sa a nih.
Hi hunser mi uopmawi tu le mi hung suk buriptu dingin, HYA, Gaon Bura, VDP , Ngaibantlang Presbytery HS Headmaster hai khawm an hung țhangve.
Program hi a hlawtling in ngaisak a hlaw hle a, Upa Lalruotsang in țawngțaina neiin program suk tawp a nih tiin Lalrothan Vankal, Secretary, HSA Harangajao Block a inthawk report ei dawng.
COMMENTS