HSA Jt. Hr Sec. & College Unit Haflong in thisen an pek

Fox Journal | Haflong: Tarik 15.3.18 (Ningani) khan Nk. Mercy Hmar, P. Hmarlushai a um hlak chu damnawna leiin Haflong Civil Hospital ah admit in a um a. Tarik 16.3.18 in Doctor haiin thisen pek a ngai a ni tiin an hril a, chu thu an hriet chun H.S.A Jt. Hr. Sec.& Colleges Unit, Haflong chun tlawmngaiin thisen unit khat a thlawnin an pek a nih.

Chun, thisen pek le inruol hin thuoituhaiin damnaw ta dingin țawngtai pek na khawm an nei pui nghal bawk a. Tlawmngaia Unit hminga thisen petu Tv. Lalrohlim khawbung, Ex. Secretary H.S.A JHSCU, Haflong kuomah thuoituhaiin News fethleng hin lawmthu an hril.

JHSCU hai hin thisen a thlawna an vawikhat pekna a ni ta naw a, vawi tam tak el a tul le mamawtu, mi harsa le thangpui ngai hai kuomah an thisen hlu tak el an lo pek ta hlak a nih.