Fox Journal | CCPur: Hmar hlasakthiem hai lai rap hla sak le rap hla hriet ding a um ta naw vang vang hnungin, Tv. John Lalmalsawm Hmar chun Hmar Gospel rap hla thar hlawk el tulai hnai hin a lo hung sersuok thar tah.
A hla hi Tv. John in a phuok a ni a, Thalai thlur bik a ding a hi hla hi a phuok tak a niin a hla hming ah "Krista ta ding a Țhalai" ti inbuk a ni a. Rimawi le a khumna hi DohDoh Records (Rochullo) kutsuok a ni a. Hrietlar em em hlasakthiem Nk. Gloria Khawlhring le John in an sak a nih. Music fe dan hi a phuoktu in mawi le tha a ti dan ang taka siem a nih.
Hi hla hung suok dan hi kum 2016 a Sielmat ICI KTP in Ghy Tour an nei tum a Fellowship programme a host ding a nina le inzawma item a present ding a buotsaina le inzawm a Tv. John in a lungril a hung inlang anga a lo siem a ni thu John in ei reporter zawna a dawnna a chun a hril.
Hi Music Video hi mawi le insitum lo taka siem tum a ni a, CCPur district sunga local cable hlun le changtlung pawl tak el Hornbill Cable Network neitu Cole Tonsing in a sponsor ding thu Tv. John chun a hril a. A hla phuoktu John Lalmalsawm hi HCN videographer ni lai mek, hnam khawma a isawr em em el a nih. A hril zawm peinaa chun, Pathienin rem a ti a ni chun Videography khawm ram dang a inchuk zawm tum a hma la mek a ni thu a hril sa a. Hi hla a phuok ding hin tawngtaina a nei phawta chu zoa a phuok a ni a, YouTube a kapkai ding a ni khawm hin tawngtainain an hlan phawt a ni el bak ah, hi hla lo ngaitu haiin malsawmna lo dawng ngei dingin ditsakna thucha hi news fethleng hin a hril.
YouTube Link: https://youtu.be/taPkTiqRkbc
SHARE:
COMMENTS