Fox Journal | CCPur: Liemtah April 2, 2018 a HPCD le Mizoram sawrkar in inremna thuthlung an ziek le inzawm peiin, hungtlung ding tarik 13 April hin, CTI Sesawng ah, HPCD hai chun an ralthuom hai sawrkar kuoma an intung ding niin chanchin ei hriet.
Hi hunser hmang ding le inzawm hin CCPur besan a indin, Sinlung Royal Riders hai khawm vawituk dar 7 le ti khan Sesawng hmun pan dingin SRR member riders 6 hai chu Mr. Aron in Bethel hmunah a vai liem.
SRR hai hi Jiribam road a fe in Hmarkhawlien lut an ta, Hmarkhawlien a riekin zing ah Kolasib an pan ding niin Chief Alan Jeff a inthawk thu ei dawng. Beisei danin Hmarkhawlien a hin members thenkhatin an lo zawm bawk ding niin chanchin ei dawngsa.
Homecoming a thang ding hai hi Pastor Lalpienglawm in Pathien kuoma tawngtaipekna hun a hmang a, chu zo ah Pu Aron in riders hai hi a vailiem a nih.
Hi huna hin Saikawt SDO Development Comt. Chairman Pu Timothy Z. Zote khawm thangve in, SRR hai an tlawmngaina chu inpak um a ti thu le Mizoram a va um hun sung khawm hnam hming suk mawitu hung ni dingin a ditsakna an hlan.
Youtube link: https://youtu.be/KqP3cIk4H2o
COMMENTS