HSA Silchar Branch in Pu Vanlallien Pulamte an lawmpui

Fox Journal | Silchar: G.C. College, Silchar-a Political Science Department-a Assistant Professor (Stage-II) sin thaw lai mek Pu Vanlallien Pulamte, s/o (L) Lalsapsiem Pulamte le Pi Lalsangzuol Pulamte, Senvawn, Muolveng, Manipur chu March 23, 2018 khan Mizoram University hnuoiah Political Science-ah Doctor of Philosophy (Ph.D) inhlan a lo ni tah a. Hi a hlawtlingna le inzawm hin HSA Silchar Branch chun nasatakin a lawmpui ve a, an lawm zie a tak ngeia suklangin vawisun (9 April) khan a inah va fe in Pathien kuomah țawngțaina neiin Hmar puonbât le Souvenir inhlanna an nei a, thingpui ruoi an kiltlang nghal.