Fox Journal | Haflong: Vawisun (26.04.2018) khan Muolhoi CH. Khawthlang M. Hall ah NF Railway Construction leia In le Lo siet tuokna khuo 14 (Sawmpali) hai an'thawkin ram neitu hai mipui 1000 (Sangkhat) bawr vel chu fe khawm in North Cachar Hills Indigenous Students Forum (NCHISF) hmalakna hnuoia Inbiek tlângna nei a nih.
Hi inbiek tlângna hi nikhat laia Railway Blockade le inzawma Chief Secretary Govt. of Assam in ISF in Compensation chungthu a hma a lâk na chu Railway khawma pêk a remti thu hrilin hung tlung ding tarik 02.05.2018 hin Guwahati Dispur Chief Secretary Conference Hall a Railway Authority hai le SP, DC, Principal Secretary NC Hills Autonomous Council hai á¹hangsa in Joint Meeting a hung kona le inzawma hi meeting hi lo nei lawk in hriltlângna hai lo nei a nih.
NF Railway hin Land Restoration pêk a nuom thu a hin mipui hril chu a hlaw hle a, asan chu Land Development value ang hu hin Compensation hi siettuok hai hin an hmu theinaw ding a ni a, Railway chun construction a thaw na ding hin Area le Land an dittâwk ang an lo lâk ta a, tuta ruok hi chu Railway Land puotieng a an sinthaw leia pil chim le dumping anthawna hai a hin In le Lo el bâka an fâk zawngna Paddy Field hai tamtak suksiet in a um hi sawrkar hin zângna dawmna el chau ni loa a ram le tui hi hmang thlâk a um tanaw lei hin Land Value hi mi pe sien a ram khawm hi chang el hai sien ti chu mipui fekhawm tuhai ngaidân a nih.
May 02, 2018 a inbiekna ding a hin palai 4 ruot dinga ti angin an ruotfel nghâl bawk, chun mipui chun May thla sûng ngeia NF Railway hin a pêk ding ang hi a la pêk naw rawp chun 1st June an'thawk Blockade hi tiemchin umloin huoihawt nawk a ni ding thu an hril sa.
Hi Meeting pawimaw tak hi Khuo 14 Goan Bura (Khuo Lal) hai bâka Upa H.L Sanga Neingaite President Muolhoi Village, Pu Rosang Hrangchal President Hmar Inpui NC Hills & Karbi Anglong hai le mi pawimaw á¹henkhat in an uop bawk.
COMMENTS