Fox Journal | P. Hnachangzawl: Tarik 9 April,2018 (vawisun) khan N.C Hills history a dinga a vawikhatna, nghilni um ta lo dinga bul lo țan "EM CUP" chu Pathien zarin a vawrtawp chu lo tlungin Football inkhel mawi tak el, final match P. Hnachangzawl hmun ah inkhêl a nih.
EM Cup final match a hin Racer le Sinlung hai an inkhel a, Racer haiin an khingpui Sinlung hai chu 5 - 1 a hneban in hrat tak nina nopui an lo dawm ta a nih. Champion club Racer hai hin sumfai Rs. 10,000 an dawng a, a pahnina Sinlung haiin Rs. 5,000 an dawng ve. Mimal lawmman, goal thun rawn tak inhlan sa a ni bawk.
Inkhel en anhawiin thlirtu mipui an tam a, special item Nk. Debori in hnesaw takin mipui zaiin an awi hne hle a, final match hunser hlawtling tak a hmang a nih.
EM Cup final match hunser hi Pu Ngamrothang Hmar (first EM of Lower kharthong) le Pu Amendu Hojai (EM Harangajao) haiin an hung uop a. Chun, Block level a țhuoitu hai le Youth BJP thuoitu hai in an hung uop bawk.
Hi tournament hi Pu Ngamrothang Hmar, hi lai hmun bieltu in a sponsor a ni thu ei report dawng chun a hril.
COMMENTS