Fox Journal || 5th of April, 2018:
Harangajao a BG Construction na hnuoia Railway Compensation hun sawttak a NCHISF hmalâkna a bawzuia um chu DC Conference Hall a rêla lo um ta angin March thla sûng Compensation hi Railway Authority in a pêk ding ang a pêk naw chun 1st April an'thawk Rail blockade nei dinga hrila lo um ta le inzawmin vawisûn khan NCHISF keihruoina in Harangajao ruomsunga khuo ṭhenkhat an'thawk Goan Bura le mipawimaw ṭhahnem tawktak fe khawm in General meeting nei a nih. Hi hun a hin Tv. David Keivom, President N.C Hills Indigenous Student Forum (NCHISF) chun chair la in Deputy Commissioner an'thawk thu lawmum hung lût hai chu mipui hma a hril langna a nei. A hril peina a chun Chief Secretary Govt. Of Assam chun State Government chun Railway tienga thuneitu hai le inbiepawin compensation chu pêk an remti thu hai a hrila, amiruok chu official thila thlakhat bêk hun pe dinga an hung ngên na chu ni sawmpanga pêk nisien hi chena iengkim zofel a um naw chun Rail blockade thaw dinga hrila lo um ta chu nei dingin fe khawm tuhai chun thutlûkna an siem.
Chun Harangajao ruomsunga khuo 4 hai chun kum 2012 laia National Highway (NH 627) Rajabari (Doyanmukh) (97.415 km.) to Boulmoul (244.235 km) under N.C Hills District in Assam Assessment thaw a lo um ta chu tuchen hi sawrkar thuneitu an'thawk hrilsap le riva hriet ani tanaw leiin NCHISF in hma mila pui sien tiin committee indina um hai chun lekha an hung pêk. Hi chungthu a khawm hin students ṭhuoitu hai chun an hmatieng an thei ang anga hma anlâk dingthu an hril bawk.
NCHISF hin mipui tadingin nasatak in hma lain sin tamtak Development, Disaster, Minority Scholarship le Railway, National Highway compensation hai a lo nawr dawkin a lo lâklût ta bawk a, Hmar Inpui NC Hills & Karbi Anglong Region khawma an hmalâkna kawng iengkim a hin a tlawp tlat leiin Council an'thawk Development thil le appointment thila khawm nisien hamṭhatna hrim nei naw inla khawm hieng anga mipui tadinga ṭangkai em ema hmalatu hai hi inpâk an um takzet a nih.
COMMENTS