Fox Journal | Muolhoi: Tak Anlakna Fitness Gym chu Upgrade a nih, Gym dang a hai la um zen zen lo Outdoor Fitness equipment hieng Battle Rope, Sledge Hammer, Tyre Workout hai lâk thar a nih a, hienghai bâka a hin thuomhnaw thar Leg Press le Dumbbell set Kg tamtak hai lâk belsa a nih, hieng thuomhnaw lâk thar hlawk hai hi zani (26.04.2018) khan Pastor James Lalremthang in Pathien kuoma inhlânna hun a hmang.
Tak Anlâkna Fitness Gym hi eilo hriet seng ta angin hi Gym an'thawk hin kum tin deu thaw State Level le Competition dang dang a hai an lo inlang nuol tah.
Hi Fitness Gym neitu Pu Zara Zote hi Dima Hasao District a khawm District Body Building and Fitness Association a Vice President chel lai zing niin tuhin Student hi za (100) chuong lai zet a nei a, Train khawm a ma hin ṭhatak in pe in Diet Plan hai khawm ṭhatawk takin a student hai hi a kawk hmu hlak.
Tak Anlakna Fitness Gym a hin Protein Powder dit ang ang Online Rate a in man taka hmu thei zing a nih a. Pu Zara Zote thiltumtak nunghak le tlangval hun awl nuoma hmang ral el loa taksa insawizawi na le hrisêlna an nei theina ding le mi tamtakin fâk zawngna lampui kawngkhat bêk an lo hmu theina ding leia vision ṭhatak neia alo hawng hi a hlawtlingin ngaiven a hlaw hle thu report ei dawngna chun a hril.
COMMENTS