Fox Journal | CCPur: Vawizan (May 7, 2018) khan 6th Hmar Martyrs Badminton Tournament, 2018 chu LJ Memorial Hall, JJ Plaza, Rengkai Road CCPur hmun ah hunser hmangzo a niin inkhel tan a nih.
Hunser hmangnaa hin S. Kamsuanlun, President, President, CCPur Dist. Badminton Assn. (CDBA) khuol inzaum in a thang a, H. Thangjamuan, Vice President (CDBA) khuol inzaum in a thangve.
Khuollien in thuhrilna hun a hmangnaa chun SBA in Hmar Martyrs hai hrietzingna le inzana a inkhelna Badminton Tournament vawi 6 zet an lo huoihawt thei ta chu lawmum le ropui a ti thu a hril a. Hmar Martyrs Day hung intan dan le a pawimaw zie hai hrilin, hotu ei nei le thlang hai chu sawisel el tho lova tawngtaipui hlak ding an ni thu hai a hril. Khuollien le khuol inzaum hin kut chawi neiin SBA kuomah an inhlan ve ve.
6th Hmar Martyrs Badminton Tournament a hin CCPur Dist. Badminton Assn., Zomi Badminton Club, YMA, Bungmual Badminton Club, Peaceground Badminton Club, Songgel Badminton Club, Thingkangphai Badminton Club le SBA members hai an thang tawl a, hi inkhelnaa thang inkhelmi an rengin mi 153 (Double tiemsa in) an thang a nih.
SBA hotuhaia inthawka thu ei hriet danin Final hi May 12, 2018 zan hin LJ Memorial Hall a bawk nei ning a ta, hunser ropui tak a khar a ni ding thu ei dawng.
COMMENTS