Fox Journal | New Delhi: Greater Noida a khawsa mek Missionary Pu Samuel Hriemate le Pi Laltluongmawi Hriemate hai naunu Nk. Deeraj Thangpuivar Hriemate chu Class-XII (Humanities), Indian Certificate of Secondary Education (ICSE) hnuoiah 89% hmuin hnesawtakin a pass. Ama hi an school St Joseph, Greater Noida a topper a ni bawk.
ICSE hnuoi ah Humanities stream ah ei ni zohnathlak lai hieng anga percent insanga hlawtlingna chang hi an la vang hle niin ei hriet.
Ama Nk. Thangpuivar hi naupangte el khawm nisienla lekha tiem taima tak el a ni a, a subject chau ni loin Library ah hai fe in lekha dang dang tiem an hnik hle niin ei thu lakna chun a hril.
Indian Certificate of Secondary Education (ICSE) hi Exam, Council for the Indian School Certificate Examination in a huoihawt hlak a nih.
COMMENTS