Fox Journal | 06.06.2018: Vawisun chawhnung dar 1 khan Lighthouse lane, Teddim Road, CCPur ah Goshen Bakery dawr thar chu Pastor Lalngailien in Pathien kuoma inhlan in hawng a nih.
Goshen Bakery hi nikum June thla lai vel anthawk khan experiment tan niin September, 2017 khan zawrdawk tan a nih.
An head baker hi Beauty Zairemmawi a ni a, ama hi Bangalore a Hotel Management graduate a, chu zo a cook and bakes tieng Delhi a Diploma a zo a, Radission Blue Five Star hotel a kum khat Cake shop a a thawk nawk hnungin Shillong a IHM Technical Assistant ang ni zing pumin Instructor in kumkhat a um nawk a, chun Goshen Bakery hi a hung buoipui țan a nih. Beauty hi Five Star standard a châng hlak a ni leiin iengkim a a fimkhur hle.
Hieng ang a fakthei inhnik le changkang, mi ram a hai chau a um ding a ei ring hlak ei ram a ngei el khel ah, eini mi ngeiin an hung hawng hi a ropui hle a nih.
COMMENTS