HSA Sielmat Unit in khawsunga inchuklai thaw țha hai an chawimawi

Fox Journal | CCPur: Zani (29 June) zan dar 7 khan HYA Hall, Sielmat, CCPur ah HSA Sielmat Unit chun an Unit sunga inchuklai HSA member thaw țha hai lawmpuina hunser an hmangpui.

Lawmpuina hunser an hmangnaa hin khawtlang thuoitu le kohran thuoituhaiin an uop thaa, nu le pa tieng khawma an tawiawm tha bawk a nih.

Lawmpuina hin chawimawina thuziek inhlan an ni tawl a, HSA member pawl sawm a mi 27 le pawl sawm pahni ah mi 33 haiin hlawtlingna an chang a nih. Hieng hlawtlingna chang hai hi Rev. Alan L. Thiek, Lecturer, Sielmat Bible College in Pastoral prayer hun hlawtlingna chang hai ta dingin a hmang a. Hun hmangzo a niin light refreshment siem chu dawntlang a nih.