61st HSA Shillong JHQ Freshers' Social -cum- Annual Meet hmang

Fox Journal | 15.09.2018, Shillong: Hmar Students' Association, Joint Headquarter, Shillong huoihawtna in vawisûn khan Hotel Poinisuk, Laitumkhrah ah HSA member Shillong hmuna inchûkna le inzawma hung hmêlthar hai lâwmlût na le ṭhuoitu thar ding thlangna an nei.

Hi huna hin Chief Guest in Pu Christopher Rani, CEO, CR Projects a ṭhang a, ama bâk a hin Functional President in Pu Rohminglien, IFS a ṭhang ve.

Hun hmanga um hi Tv. Christopher Hrangchal le Nk. Naomi Darngawn in an keihruoi a, hmêlthar hai le inhmêlhrietna nei a ni a, Rev. GB. Niropui, Secretary EFCI in hmêlthar hai ta dinga ṭawngṭaipêkna neiin hmêlthar hai aiaw in Tv. Samuel Lalbelsang Infimate ainthawk thuhril tawi ngaithlâk a nih.

Tv. Joyful Ṭhiek, President HSA Shillong JHQ a inthawk lâwmlûtna thucha ngaithlâk zo a niin, fiel a um Chief Guest le Functional President chawimawina thikpêk inhlân an nih a, thuhriltawi ngaithlâk sunzawm nghal a nih.

Drawing Competition le Spelling Competition Result puong a ni a, HSA Member inchûkna tienga thaw ṭha hai kuoma le Challienkhum Memorial Meritorius Award Nk. Mercy Lalruotkim kuom ah leh Pu Lalthlamuana Hmar, EM SHC, Speaker Assemby Affairs HSA GHQ kuomah hnam ta dinga an pêk na leiin chawimawina inhlân a ni a, kum 2018-2020 sûnga HSA Shillong JHQ ṭhuoitu ding thlangna nei a ni a, thlang thar a um hai ta dingin Rev. Lalliensung Joute P/S ICI Meghalaya West Presbytery in ṭawngṭaina a nei zovin Mr. & Miss Freshers dinga thlang a um hai hming puong langna nei a ni a, Mr. Freshers dingin Tv. Samuel Lalbelsang le Miss Freshers dingin Nk. Nancy Lallâwmzêli hai chu thlang tling an nih.

Hun kârlak a hin HSA Shillong Cultural Troupe in hnam lâm an suklang bâkah Nk. Lorinda Varte le Guest Artists Nk. Christina Shakum, Platinum Star/RunnerUp Manipur Idol 2017 leh Indian Jim Reeves tia ko Tv. Jajai Singsit hai in an râwl mawi tak el in mipui hla in an in awi.

Spelling Competion Result:
1st Emethis
2nd Cathy Ramneimawi
3rd Regina Lalzarzo

Drawing Competition Result:
1st Dingdi
2nd Priscilla Hmingthangmawi
3rd Fanicia

Kum 2018-2020 sûnga HSA Shillong Joint Headquarter ṭhuoitu dinga thlang a um hai chu a hnuoia hai hi an nih.

President: Pu Richard Nungate
Vice President: Tv. Prati Chanchinlâwm
General Secretary: Tv. John Lalsanglien Khawbung
Asst. Secretary: Tv. Lalenkawl Inbuon
Finance Secretary: Nk. Rosy Sinate
Treasurer: Nk. Elizabeth Tlau
Departmental Secretaries hai chu thlang thar a um hai ruot dinga sie a ni bawk.

Photo Credits: Samuel Lalbelsang